İSTM.ŞSC.15.d.254 / 8a-2

Facsimiles

Transcript

Medīne-i hazret-i Ebī Eyyüb el-Ensārī -radiye Rabbühü’l-bārī-de Cāmi‘-i Kebīr  mahallesinde sākin iken bundan akdem vefāt eden bakkāl Ali Ağa b. Hasanın verāseti zevce-i menkūha-i metrūkesi Ümmügülsüm Hatun bt. Elhac İbrahim ile sulbiye kebīre kızı Aişe Hatun usūbet-i nesebiye cihetinden li-eb er karındaşı Elhac Hafız İbrahime ve müteveffā-i mezbūrun sülüs vasī olmağla sülüs vesāyāsını tenfize ba‘de’l-inhisâr müteveffā-i mezbūrun zevcesi olub sülüs vesāyāsını tenfīze bā-hüccet-i şer‘iye vasīyy-i muhtārı olan mezbūre Ümmügülsüm Hatun ile mezbūre Aişe Hatun ve mezbūr Hafız Elhac İbrahim ve Bazarbaşı Ebubekir Ağa b.[] vesāir ustalar taleb ve ma‘rifetleriyle tahrīr ve taksīm olunan müteveffā-i mezbūrun terekesi defteridir ki ber vech-i ātī zikr olunur. Fi’l-yevmi’s-sālis aşar min Cemāziyelāhir li-sene semān ve seb‘īn ve mie ve elf. 1178 ( 13 cemziyelahir 1178)

Köhne çuka biniş: 510

Köhne çukaya kaplı nāfe biniş kürk: 1930

Kırmızı kuşak: 505

Köhne destar: 150

Yeşil çukaya kaplı köhne kursak kürk: 420

Kaba şaliye kaplı nīmten nāfe kürk: 515

Köhne çuka çakşır ma mest: 264

Gömlek ma don: 339

Köhne kavuk: 2 / 155

Köhne yorgan: 2 / 320

Köhne minder: 2 / 700

Köhne yasdık ma parça yelek: 200

Köhne alaca entari: 159

Sim saat: 1200

Çalar saat: 2400

Tencere (2) ma kapak, taba (1), sahan (4) kapak (2), sini (1), mangal (1), leğen ma ibrik (1): 1080

Hırdavat-ı menzil: 2400

Bir re‘s Arab cāriye ve yirmi beş guruş kıymetli bir oda döşemesi mīzanından zevcesinden aldıkları bedel-i zan: 15400

Medīne-i mezbūrede imam dükkānı demekle arīf dükkān derūnunda mevcūde beyne’l-hiref gedik  i’tibār olunur ālāt-ı lāzıme-i malūme yüzyirmi sehm i’tibārıyla müteveffā-i mezbūrun mālik olduğu sehm hissesin bakkāl Kiko zımmīye hayātında bey idub kabz olunan: 48000

Medīne-i mezbūrede Cāmi‘-i kebīr  ittisālinde vāki‘ ticāret eylediği bakkāl dükkānı derūnunda mevcūde müteveffā-i mezbūrun sermāyesi: 55000

Yine mahalle-i mezbūrede kāin berikinin kahve dükkānı derūnunda mevcūd beyne’l-hiref gedik i’tibār olunur ālāt-ı lāzımesi üç sehm i’tibārıyla mālik olduğu iki sehm hissesi: 4800