İSTM.ŞSC.06.d.566 / 92b-1

Transcript

Medine-i Üsküdar’da Debbağlar mahallesinde vaki Canbaz Hasan ağanın taht-ı tasarrufunda olan bir bab bakkal dükkanının nısf-ı gediğine malik ve dükkan-ı mezkurda müste’cir olan bakkal Yani veled-i [BOŞ] nam zımmi bundan akdem gaybet-i münkatı‘a ile gaib olup hayat ve mematı malum olmadığı bakkal esnafı pazarbaşısı ve ustaları ihbarlarıyla zahir ve mütehakkık olmakla dükkan-ı mezkur huzur-ı ... derununda mevcud gaib-i mersumun eşya-yı ... ma’rifet-i şer’ile tahrir ve ziya’ ihtimali galib olan zehair pek misilleriyle bayi’ ve esmanı(?) ile eşya-i muharreresi hali beyan oluncaya değin ber-kıyem-i nasb ve hıfz ettirilmesi pazarbaşısı ve esnaf-ı mezkur ustaları marifetiyle medine-i mezburda Ağa Hamamı bakkalı Yorgi veled-i Penayot nam zımmi mefkud-ı mezkur kable’l-şer’iden kıyem-i nasb olunduktan sonra kayyım-ı merkumun marifeti ve pazarbaşısı ve esnaf-ı mezkurun talebleriyle malı gaib olmak üzere dükkan-ı mezkurda tahrir ve terkim ve kayyım-ı mersum yedine teslim olunan ... defteridir ki ber-vech-i ati zikr olunur. Fi 9 Rebiülahir 1223

Dakik: kıyye 34, fi 6, kıymet 204

Mum yağı: kıyye 3, kıymet 240

Asel: kıyye 10, fi 40, kıymet 400

Def’a süpürge: aded 8, kıymet 20

Pekmez: kıyye 19, fi 11, kıymet 209

Nardenk: kıyye …, kıymet 270

Böğrülce: kıyye 2, kıymet 20

Def’a pekmez: kıyye100,fi10,kıymet1000

Fasulye: kıyye 1 (direm 100), kıymet 12

Toprak bardak ve ibrik, toprak şamdan ve kandil: aded 600, kıymet 200

Sarımsak: kıyye 2, kıymet 10

Pekmez destisi: aded 1

Kabuklu badem: kıyye 2, kıymet 20

Nardenk destisi: aded 6

Bulgurlu: kıyye 12, kıymet 12

Yoğurt çanağı: aded 20, kıymet 15

Soğan: kıyye 122, kıymet 63

Nişasta: kıyye 1, kıymet 15

Süpürge: aded 3, kıymet 10

Cem’: 2820 guruş