İSTM.ŞSC.06.d.574 / 51b-1

Transcript

Medine-i Üsküdar’a tabi Nerdübanlı karyesinde kain bir bab bakkal dükkanında mütemekkin iken bundan akdem gaybet-i münkatı‘a ile gaib olup hayat ve mematı na-malum bakkal Krista(?) zımminin tereke olunan dükkan derununda mevcud olan eşya ve zahiresi bakkal esnafından mazbut ... ve pazarbaşıları hazır oldukları halde marifet-i şer’ile tahrir ve ziya ihtimali olan zehair semen-i misilleriyle bayi ve esmanı ile eşya-ı muharreresi hali mütebeyyin(?) oluncaya değin ber-kıyem-i nasb ve hıfz ettirilmesini esnaf-ı mezkure ve pazarbaşıları dükkan-ı mezkurun mutasarrıfı olup ... uhdesinden gelmeğe ... idüğü esnaf-ı mezkure ve pazarbaşılarının ihbarlarıyla zahir(?) olan oduncu Yani zımmi mefkud-ı mezkura kabe’l-şer’iden kıyem-i nasb olunduktan sonra kayyım-ı merkum Yani zımmi marifeti ve esnaf-ı mezkur ustalarının talebleriyle mefkud-ı merkumun dükkan-ı mezkuru derununda mevcud eşya-ı semen-i misillerine bayi olunup kayyım-ı merkum yedine teslim olunan zahiresi esmanı defteridir ki ber-vech-i ati zikr olunur. Fi 13 Ramazan 1223(?)

Köhne yorgan: aded 1

Fındık: kıyye 2, fi akçe 51, kıymet 102

Köhne minder: aded 2

Soğan: kıyye 24,-, fi akçe 17, kıymet 416

Kebe:

Hasır süpürgesi: aded8, fi 36, kıymet 288

Kebe:

Meydan süpürgesi: aded 16, fi akçe 12, kıymet 192

Köhne nimten aba: aded 1

Daru keyl: keyl5, fi akçe360, kıymet1800

Köhne aba şalvar: aded 1

Tulum peyniri: kıyye 12, fi akçe 60, kıymet 720

Sarımsak: kıyye 5, fi akçe 30, kıymet 150

Zeytun: kıyye 5, fi akçe 51, kıymet 225

Pirinç: kıyye 3, fi akçe 72, kıymet 216

Cem’: Akçe 4139

Balada mezkur eşya ile semen-i meblağ ... merkum dört bin yüz otuz dokuz akçeyi kayyım-ı merkum Yani zımmiye teslim olunduğu ahz ü kabz eyledim deyu meclis-i şer’ide ikrar ve …eylediği işbu mahle şerh verildi.