İSTM.ŞSC.06.d.577 / 43b-1

Transcript

Medine-i Üsküdar’da Yeni mahallede şehroğlanı dükkanı demekle arif bakkal dükkanında mütemekkin … Yani veled-i Yorgi nam zımmi bundan akdem gaybet-i münkatı‘a ile gaib olup hayat ve mematı malum idiğini bakkal esnafının ustaları ihbarlarıyla zahir ve mütehakkık olmakla gaib-i mezkurun zikr olunan dükkanı küşad ve derununda mevcud eşya ve zahiresi marifet-i şer’i ile tahrir ve ziya ihtimali olan zahiresi semen-i misilleriyle bayi ve esmanı ile eşya-ı muharreresi hali beyan oluncaya değin ber-kıyem-i nasb ve hıfz ettirilmesini ve medine-i mezburda bakkal esnafının ustabaşıları olup ... uhdesinden gelmeğe kadir idüğü esnaf-ı mezkurenin ... ve ihbarlarıyla zahir olan Karli veled-i Serakim(?) nam zımmi ... mezkura kable’l-şer’iden kayyim-i nasb olunduktan sonra ... kadim ile esnaf-ı mezkur marifetleriyle ... mezkurun dükkan-ı mezkur derununda ... eşya ve semen-i misillerine bayi olunup kayyim-i merkum yedine teslim olunan zahiresi esmanı defteridir ki ber-vech-i ati zikr olunur. Fi 25 Zilkade 1227

Pirinç: kıyye 141, akçe 72, kıymet 3384

Şem’: kıyye 15, direm 35, kıymet 20

Mahlut revgan: kıyye 30, akçe 180, kıymet 1200

Kakavat: kıymet 149

Mercimek: kıyye 4, akçe 36, kıymet 48

Tane büber: direm 45, kıymet 56

…: kıyye 32, akçe 18, kıymet 21

Kırmızı büber: direm 150

Fındık: kıyye 12, akçe 48, kıymet 24

Bardak ve ibrik: aded 343

Arpa şa’riye: kıyye 1, direm 300 akçe 90, kıymet 52

Meydan süpürgesi sagir süpürge: aded 60, kıymet 250

Sarımsak: kıyye 9, direm 100 akçe 39, kıymet 121

Sirke: kıyye 4, akçe 18, kıymet 24

Leblebi(?): kıyye 2, kıymet 12

Semak kırmızı: kıyye12, akçe45, kıymet 180

Uskumru balığı tuzlaması: aded 150, kıymet 100

Çuval: aded3, akçe 90, kıymet 120

Makarnalık şa’riye: kıyye 32, akçe 90, kıymet 105

Yukarı(?) mahlutu revgan sade: kıyye 18, akçe 225, kıymet 1350

Soğan: kıyye 11, akçe 21, kıymet 77

Tuz: kıyye 11, akçe 16, kıymet 44

Sardalye balığı: aded 1500, kıymet 420

Sabun: kıyye 2, direm50, kıymet 35

Hasır süpürgesi: aded 11, akçe 36, kıymet 132

Cem’: 8514 para

Kayyım-ı merkum Karli zımmi eşya-ı muharrere-i mezkur ile zahire esmanı(?) olan sekiz bin üç yüz elli dört parayı ahz ü kabz idüp ... olduğu meclis-i şer’ide ikrar ve …eylediği işbu mahle şerh verildi.