İSTM.ŞSC.02.d.257 / 33

Facsimiles

Transcript

Sādır olan fermān-ı ālīye imtisālen cānib-i şer‘-iden mürsel Kātib Mustafa Efendi İstanbulda Seferliçeşme karyesinde Keçeci Piri mahallesinde vāki’ mukaffel bakkāl dükkānına varub zeyl-i defterde muharrerü’l-esāmi müslimīn huzurlarına akd-i meclis-i şer’ hatir eylediği zikr olunan dükkānın mutasarrıfı Ebubekir nām kimesne meclis-i mukadder-ı mezkūrda takrīr-i kelām idüb dükkān-ı mezkūrda müşāhereten müstecirim olan Yovan nām zımmī yirmi altı aydan beru firar ve gaybet idüb hayātı ve memātı malūm ve dükkān-ı mezkūrda mukaffel kalmağla dükkān-ı mezkūr feth ve derūnunda mevcūd bulunan gāib-i mezbūrun eşyāsı tahrīr ve hali mütebeyyin oluncaya değin li-ecli’l-hıfz yed-i emīne vaz‘ ve dükkān-ı mezkūr tahliye ve bana teslīm olunması matlubumdur dedik de mezbūrun hali mütebeyyin oluncaya değin li-ecli’l-hıfz müslimīn mezkūrun ihbārlarıyla kayyım nasb ve ta’yin eylediği Ebubekir b. Elhac Mehmede vāz’ ve teslīm olunan eşyā defter budur ki ber vech-i ātī zikr olunur. fil yevm el sani aşer min şevval mükerrem li sene seman ve semanin ve mie ve elf. ( 12 şevval 1188)

Beyaz fasulye: 140

Sagīr ve kebīr kavanoz: Aded 40/ 250

Döğülmüş tuz: Fī 50 / 250

Ak tuz: Fī 50 / 30

Kefe tuzu: Keyl 1 / 48

Hatab çekme: Aded 1 / 150

Çalı süpürgesi: Aded 27 / 27

Revgan-ı mum: 12 / 120

Asel: Kıyye 25 / Meblağ 250

Sicim vesaire: 15

Revgan-ı zeyt: 40/ 240

Nişasta: 2 / 56

Yekun: 2076

ālāt-ı gedik fuçı: Aded 15

Mizan ma takım: Aded 2

Kalbur: Aded 3

Kantar: Aded 1

Desti: Aded 2

Küfe: Aded 3