İSTM.ŞSC.01.d.66 / 38a-1

Facsimiles

Transcript

İstanbulda Simkeşhane kurbunda … karşısında vāki’ Elhac Mustafa dükkānı demekle marūf bakkāl dükkānı derūnunda mevcūd gedik ta’bīr olunur ālāt-ı lāzıme-i malūmeye mutasarrıf olan Havva bt. Abdullah nām hatunun vekīli … Lütfullah Efendi bin Ebubekir müvekkile-i mezbūrun müsteciri Esseyid Ahmed b. Abdullah tārīh-i defterden altı ay mukaddem firār ve gaybet idüb hayātı ve memātı malūm olmayub dükkān-ı mezkūr mukaffel ve mu’attal kalmağın ol tarīkde sākin Abdullahhın mezbūrun bilaçareteyn mutasarrafı zımmī … olmağla dükkān-ı mezkūr derūnunda mevcūd gāib mezbūrun terk eylediği eşyāsı zāyi’ ve telef olmak ihtimāli gālib olmağla gedik-i mutasarrıfesi Hava mezbūrenin vekīli merkūm dükkan- ı mezkūr ma’rifet-i şer ve bāzārbaşı ve ustalar ma‘rifetiyle küşād ve derūnunda olan gāib mezbūrun eşyāsı tahrīr ve yed-i emine vaz’ olunmasını iltimās etmekle kıbel-i şer’den mürsel Kātib-i sāni Merhābāzade Mahmud Efendi dükkān-ı mezbūra varub bāzārbaşı ve bakkāl ustaları … muvācehelerinde .. feth ü küşād gāib merkūmun hāli mütebeyyin oluncaya değin … … … … uhdesinde gelmekle … … ihbār olunan bakkāl esnāfından Yusuf b. İbrahim nām kimesne kıbel-i şer’den kayyım nasb ve tayīn olunub dükkān-ı mezkūrda olub bakkāl… olan eşyā mürūr-ı eyyām ile telef ve zāyi’ olur … olmağla … … bey … … olunmak gāib mezbūr sükkānında … ve kayyım-ı merkūm hakkında … olmağla ma’rifet-i şer ile kıymetleri takvīm ve … olan meblağ-ı mezkūr merkūm Yusuf kabz ettirülmesine eşyā defteridir ki ber-vech-i ātī zikr olunur. Fi 28 rebiülahir 1210

Tekfurdağı … şa’riyesi: Fī 48 / Kıyye 10 / 480

Ednā mahlūt revgan-ı sāde: Fī 60 / Kıyye 70 / 4200

Ednā kaşkaval peyniri: Fī 12 / Kıyye 12 / 132

Tulum peyniri: Fī24 / Kıyye 12 / 288

Böğrülce: Fī 24 / Kıyye 4 / 72

Nohud: Fī 24 / Kıyye 13 / 312

Fuçı pekmezi: Fī 30 / Kıyye 60 / 1800

Mum: Kıyye 2 / 147

Sırlı sekizlik şişe: Aded 87 / 2088

Saka: 2 / 480

Gön: 1 / 24

Fuçı: Fī 20 / Aded 15 / 300

Yekūn: 15551