İSTM.ŞSC.02.d.187 / 15a-2

Facsimiles

Transcript

Mahrūse-i İstanbulda Balık pazarı hāricinde vāki’ bakkāl dükkānının mutasarrıfı Elhac Ömer Ağa b. İsmail b. Ahmed’in vekīl sābitü’l-vekālesı … Elhac Musa Ağa b. Hüseyin nām kimesne meclis-i şerīf-i enverde bi’l-vekāle takrīr-i kelām ve tavzīh-i merām edüb müvekkilim mezbūr Elhac Ömer Ağanın dükkān-ı mezkūrda müşāhereten müsteciri olan Yorgi veled-i İsaki? ve şerīki Panayot veled-i Pereşkova nām zımmīler üç aydan beri firār ve gaybet-i münkatı‘a ile gāibler olub hayāt ve memātı malūm olmayub dükkān-ı mezkūr mukaffel ve mu’attal kalmağın dükkān-ı mezkūrun feth ve derūnunda mevcūd olan eşyāsı gāiban-ı merkūmanın halleri mütebeyyin oluncaya değin ba‘de’t-tahrīr yed-i emine vāz’ olunub dükkān-ı mezkūr müvekkilim Elhac Ömer Ağaya teslīm olunmak bi’l-vekāle muradımdır deyü husus-ı mezkūr içün bir kıt’a fermān-ı ali ısdār etmeğin …. taraf-ı şer’den Katib İmamzade Osman Efendi ve … irsāl olunub ol dahi bakkāllar bāzārbaşı vekīli Ahmed bāzārbaşı … dükkān-ı mezkūra varub badessual fi’l-hakīka hālā vekīl-i mezbūrun takrīri üzere olduğunu ba‘de’l-ihbār huzur-ı müslimīnde zikr olunan dükkān… gāibān-ı mezkūranın derūn-u dükkānda mevcūd bulunan eşyāsı tahrīr ve emānet ve istikamet ile maruf idüğü zeyl-i defterden mastūratü’l-esāmī kimesneler ihbārlarıyla mütebeyyin olmağla kayyım nasb olunan Konstantin veled-i Trandafil nām zımmīye teslīm olunan eşyānın defteridir ki ber vech-i ātī zikr olunur. fil yevmül samin aşer min zilkade ül şerife li sene seman ve hamsin ve mie ve elf. ( 18 zilkade 1158)

Asel: Fī 20 / Kıyye 2 / 40

Revgan-ı sāde: Fī 44 / Kıyye 46.5 / 2024

Defa Asel-i Kuşadası: Kıyye 60 / 905

Defa revgan-ı sāde: Fī 44 / Kıyye 60 / 880

Zeytūn Trilye: Fī 8 / Kıyye 168 / 1064

Zeytūn Karamürsel: Fī 6 / Kıyye 90 / 540

Nişasta: Fī 11 / Kıyye 20 / 200

Defa revgan-ı sāde: Fī 44 / Kıyye 7 / 308

Kebīr yağ küpü: 1 / 600

Gön: Fī 150 / Kıyye 6 / 900

Hatab: Çekme 2 / 120

Fuçı: Fī 50 / Aded 17 / 750

Kebīr kantar: 1 / 620

Sagīr kantar: Aded 3 / 360

Yağ malası: Aded 4 / 200

Teneke huni: 20

Kebīr yağ destisi: Aded 8 / 480

Fuçı: Fī 50 / Aded 10 / 500

Sandık: Fī 12 / Aded 10 / 120

Kebīr desti: Fī 8 / Aded 101 / 808

Akçe tahtası: 1 / 30

Akçelik desti: Fī 1 / 114

Yeşil desti: Aded 28 / 168

…

Terazu ma dirhem: 1 / 240

Peştahta: 1 / 120

Akçelik desti: Fī 1 / Aded 1000

Kağıd: Fī 1.5 / 60

Zeytūn fuçısı: Fī 30 / Aded 90

Leğen ma ibrik

Sagīr tepsi ve sagīr tencere: 600

Köhne üç minder ve iki yasdık ve iki köhne yorgan: 600

…

Tahta sandık 2 : 840

Cem’an Yekūn: 15112