İSTM.ŞSC.06.d.405 / 87b-2

Facsimiles

Transcript

Medīne-i Üsküdarda Valide-i Cedid Camii şerif karşısındaki bakkāl suhte Ömerin dükānında mevcūd olan ustalar ma‘rifeti ve ma‘rifet-i şer‘le tahrīr ve defter ve dükkān-ı merkūma bir mu’tebet kimesne vaz‘ olunmak bābında şeref-bahş-ı sudūr bulan fermān-ı ālīlerine imtisālen manav taifesinden Elhac Hasan ve manav Mahmud ve manav Mustafa ve Ali Beşe kefāletleriyle pazarbaşı vekīli Ali kulları husus-ı mezbūre mübāşir ta‘yīn buyrulan kapı kethüdālarından Elhac Ahmed Beşe kulları mübāşeretleriyle Osman b. Mustafa nām kimesne bakkāllık eylemek üzere mezbūre vaz‘ ve dükkān-ı merkūmdan zūhur edip mezbūr Osmana ma‘rifet-i şer‘le teslim olunan defterdir ki ber vech-i ātī zikr olunur. Hurrira fi 8 Zilka‘de sene 1154

Revgan-ı sāde: Kıymet 275

Desti içinde revgan-ı zeyt: Kıymet 41

Def’a desti içinde revgan-ı zeyt: Kıymet 3.5

Sucuk: Kıymet 40

Pekmez: Kıymet 20

Def‘a pekmez: Kıymet 74

Def‘a pekmez: Kıymet 25

Def‘a pekmez: Kıymet 40

Torba ile yoğurt: Kıymet 6

Terāzū ma takım: 2

…: 1

Sahan: 2

Kevgir sahan: 1

Yağ ölçeği: 6

Tencere ma kapak: 1

Kantar: 1

Akçe tahtası: 2

Ağaç tabla: 10

Ağaç çekmece içinde bıçak 1, tesbih ve mikras 1

Sagir çekmece bunun içinde yalnız 1